皇朝聯賽(Dynasty League)討論區 (第七季開始接受報名)

皇朝

Xpert Eleven Fantasy League

皇朝聯賽(Dynasty League)新球季即將開始... 由第二季開始呢度將會成為聯賽o既新主頁...

加入方法:

大家去到http://www.xperteleven.com/default.aspx之後申請做會員... 跟住去search度打聯賽個ID# 59608或者登入後直接去呢個連結http://www.xperteleven.com/?lid=59608就可以搵到個聯賽Dynasty League... 之後你o地需要揀球隊名稱同埋球場名稱... 仲有球員o既國籍... 個遊戲好好玩... (如果大家鍾意足球o既話) 而且唔需要好多時間坐o係電腦前面玩... 只需要排兵佈陣... 夠人之後我再同大家講點玩法... 另外記住千祈唔好開多過一個account... 唔係o既話好快會比個網主ban... 不過註冊時諗清楚個username... 因為揀好之後冇得改...

第六季皇朝聯賽已於10月17日開始... 開賽時間為香港時間20:00... 球季開始後每個星期將會進行兩場比賽... 時間為星期三及星期日... 聯賽將於12月31日結束...

皇朝聯賽準備於第七季擴充為三組... 現正招募九到十個新球隊... 有興趣者請在此留言或按 http://www.xperteleven.com/?lid=59608 查詢聯賽資料...

遊戲說明:

已經註冊o既球隊請注意:

1 ) 你可以click入去右手面"Team Menu"個"Player Squad"睇o下你球隊o既球員名單...

2 ) 其中"skill"係代表球員o既技術能力... 例如有4個方格代表個球員o既技術係3.5到4.5之間... 而"form"係代表個球員現時o既狀態... "FT"代表球員經過前一場比賽之後o既狀態變化... 大家記住要 tick 一個 checkbox "Show special qualities" 睇o下呢個球員有咩特別技能... 我自己覺得呢個係幾重要o既環節... 因為越多特別技能(當然係正面o既技能)o既球員通常對你球隊越重要...

3 ) 如果你希望提升球員o既狀態... 可以o係"Team Menu"裡面o既"training"選擇某幾個球員去進行特別訓練... 當然你要比錢啦... 不過唔好係唔係都叫球員去訓練... 通常球員o既"form"低於10個方格先需要training... 如果唔係反而會令球員over trained... 個球員就會受傷跟住養傷期間狀態就會跌... 得不償失...

4 ) 你要盡量幫自己球隊搵錢... 呢個game用o既錢叫Econ$... o係第一次你登入自己球隊時你需要選擇一個贊助商... 個sponsor就會比Econ$250,000你做initial經費... 賺錢途徑有幾個... 最快同賺最多錢o既方法係做"sponsor activity"... 答o岩3條題目會得到Econ$1,000,000... 所以做題目時要睇清楚... 如果有"sponsor activity"你會見到o係你球隊主版個"sponsor activity"出現藍色字... Click入去就可以開始啦... 另外你可以通過賣球員賺錢... 去"Xpert Pool"度估每次比賽o既比數去賺錢... 同埋每個禮拜做一次"press release"(寫超過249個字母就可以... 通常兩行字就有ga la)講o下自己球隊情況或者對比賽有咩期望同感想... 然後每個禮拜二就會收到Econ$200,000...

5 ) 大家揀比賽陣容時首先去"Team Menu"個" Player Squad "揀出11個正選球員同最多5個後備... 其他多出o既球員set為"Not in line"... 跟住去"Next Match/Tactics"度揀戰術... 如果想知道點揀o既話可以去左邊"Rules"去睇應該點選擇... 再唔明可以o係呢度問... 我一定會盡量幫大家...

6 ) 一隊波最少要有13人... 最多20人... 定時定候會有經紀人叫你買球員... 另外亦會有球員o係你自己青年隊要求加入一線隊... 你亦可以去左邊"transfer"去競投球員...

7 ) 聯賽未開鑼時大家可以約其他球隊打友誼賽... 友誼賽唔可以提昇升你隊波o既狀態... 但係可以等大家熟習o下個遊戲係點玩... 到聯賽開始時就唔洗擔心要適應... 所以建議大家聯賽開始前打番幾場友誼賽... 大家可以去左手邊按"League"跟住就會見到所以亦註冊o既球隊... 再按球隊個名跟住o係o個隊波o既主頁按"challenge team"就可以同o個隊波踢友誼賽...

8 ) 要更改球隊o既波衫/褲顏色可以去"Team Menu"裡面個"Team Settings"去更改... 你同時可以更改自己球隊o既主場名稱... 另外亦可以要求自己想要o既球員名稱...

9 ) 所有agents中大概只有三個係比較好... 因為劭地推薦o既球員通常都會比劭地所描述o既更好... 其他大部份就係會實話實說... 而有少數agents會隱瞞球員o既弱點... 所以你買o左之後球員o既estimated value會低於你購入o既價格...

10 ) 如果你o地有足夠o既錢我會建議你evaluate個球員... 睇o下邊個agents可靠... 咁以後收到呢個agents` offers就可以第一時間買劭地推薦o既球員... 另外young talents唔會存在呢個問題... 所以你可以放心引入youth team`s players...

暫時諗到需要講o既係咁多... 如果各位有疑問一定要提出... 因為玩得越耐就會越多o野想知清楚...

皇朝聯賽資料及數據:

第一季皇朝聯賽統計數據

第二季參加者會員名稱及球隊名稱

第二季皇朝聯賽友誼賽及聯賽比賽結果

第二季皇朝聯賽統計數據

第三季參加者會員名稱及球隊名稱

第三季皇朝聯賽友誼賽及聯賽比賽結果

皇朝聯賽報導:

第二季皇朝聯賽揭幕戰延期

飛翼新領隊上任

皇家馬德里新領隊上任

PPDH新領隊上任

DSA聯合新領隊上任

卡威特新領隊上任

怪獸聯新領隊上任

League Reminders

Thoughts From League Admin

Get Prepared For The New Season

Team Name & Quitting League

第三季聯賽最新走勢

友誼連結: 香港聯賽(Hong Kong Fantasy League)

[ 本帖最後由 CT 於 2007-12-19 18:39 編輯 ]

3 評分人數